Авлигатай Тэмцэх Газраас “Эрдэнэс Тавантолгой” компанитай худалдан авах ажиллагаа, нүүрс тээвэр, борлуулалт хийсэн аж ахуйн нэгжүүдийн нэрсийг зарласан.
2018/01/01-2022/12/01 хугацаанд ЭТТ ХК нь бараа, ажил, үйлчилгээ худалдан авах нийт 7.5 их наяд төгрөгийн 576 гэрээ байгуулсан байна.
| № | Он | Гэрээний тоо | Үнийн дүн | |
|---|---|---|---|---|
| 1 | 2018 | 65 | 290,433,380,242 | |
| 2 | 2019 | 122 | 126,533,910,188 | |
| 3 | 2020 | 94 | 1,224,558,336,023 | |
| 4 | 2021 | 117 | 3,048,168,670,038 | |
| 5 | 2022 | 178 | 2,848,490,562,921 | |
| нийт | 576 | 7,538,184,859,412 | ||
Төрийн өмчийн хөрөнгөөр тус компани бараа, ажил, үйлчилгээг аж ахуйн нэгжүүдээс худалдан авсан мэдээллийг дүрсжүүлэн харуулж байна.
График 1: ЭТТ ХК төрийн өмчийн хөрөнгөөр бараа, ажил, үйлчилгээ худалдан авсан гэрээний тоо болон нийт дүн
Дээрх графикаас харвал 2021 онд "Эрдэнэс Тавантолгой" ХК нийт 117 гэрээ байгуулж, хамгийн их үнийн дүнгээр буюу ойролцоогоор ₮3 их наядаар бараа, ажил, үйлчилгээ худалдан авсан байна.
График 2: 2018 онд төрийн өмчийн хөрөнгөөр ЭТТ компанийн бараа, ажил, үйлчилгээ худалдан авсан дүн (Дүрслэл дээр дарж дэлгэрэнгүй задаргаа үзэх боломжтой)
- 2018 онд хамгийн их үнийн дүнгээр буюу "Хишиг арвин инсдустриал" ХХК-тай Цанхийн баруун уурхайн Б хэсэгт уулын ажил гүйцэтгэх гэрээг ₮104.7 тэрбумаар байгуулжээ.
- Мөн таван ордын Цанхийн баруун уурхайн А хэсэгт уулын ажил гүйцэтгэх гэрээг "ЭМ ЭМ И КЬЮ" ХХК-тай ₮74.8 тэрбумаар хийжээ.
График 3: 2019 онд төрийн өмчийн хөрөнгөөр бараа, ажил, үйлчилгээ худалдан авсан дүн (Дүрслэл дээр дарж дэлгэрэнгүй задаргаа үзэх боломжтой)
2019 оны тухайд "Эрдэнэс Тавантолгой" ХК ажил олгогчийн хариуцлагын гэрээг "Монгол даатгал" ХХК-тай ₮66 тэрбумаар хийсэн нь хамгийн өндөр үнийн дүнд тооцогдож байна.
График 4: 2020 онд төрийн өмчийн хөрөнгөөр бараа, ажил, үйлчилгээ худалдан авсан дүн (Дүрслэл дээр дарж дэлгэрэнгүй задаргаа үзэх боломжтой)
2020 оны наймдугаар сарын 28-нд Тавантолгойн бүлэг ордын Цанхийн баруун уурхайн А хэсэгт хөрс хуулалт, нүүрс олборлолтын ажил гүйцэтгэх гэрээг 799,136,962,175 буюу 799 тэрбум төгрөгийн үнийн дүнтэйгээр байгуулсан байна.
График 5: 2021 онд төрийн өмчийн хөрөнгөөр бараа, ажил, үйлчилгээ худалдан авсан дүн (Дүрслэл дээр дарж дэлгэрэнгүй задаргаа үзэх боломжтой)
2021 онд "Ти Эн" түншлэлтэй ₮2.2 их наядын гэрээг байгуулсан нь хамгийн өндөр дүнд тооцогдож байна. Мөн "Монголиан контракт майнинг сервис" ХХК-тай ₮716 тэрбумын үнийн дүнтэй худалдан авах гэрээг тус тус байгуулжээ.
График 6: 2022 онд төрийн өмчийн хөрөнгөөр бараа, ажил, үйлчилгээ худалдан авсан дүн (Дүрслэл дээр дарж дэлгэрэнгүй задаргаа үзэх боломжтой)
2022 оны хувьд "Norinco International Cooperation" болон "Dadi Engineering Development Group" компаниудын түншлэлтэй нийт ₮955.9 тэрбумын гэрээ байгуулжээ. Энэхүү үнийн дүнд нүүрс баяжуулах үйлдвэрийн барилгын зураг төсөл боловсруулах, барилга угсралтын ажил гүйцэтгэх түлхүүр гардуулах ажлууд багтсаныг дээрх инфографикаас харж болно.
